تذكرتك عذاب القبر وصاحت صرخة بحشاي
تذكرت الذنوب وقلت يا نفسي كفا توبي
ألا يا ليتني أقدر أقص بأيمني يسراي
وأجي ربي بوجه أبيض وأنا خالي من عيوبي
كثر ما اشتقت يا ربي لعفوك قمت أعد خطاي
على كل ذنب أنا استغفر وليتك تغفر ذنوبي
أحاسب نفسي كل ليله على كل غلطه بدنياي
وأجي هارب من الماضي ولكن ش آخر هروبي
أصلي لين كل الناس تحسدني على ممشاي
وأبالغ في المعاصي لين كل يلعن دروبي
وأنا ما ضامني أمسي أنا خايف من اللي جاي
ذنوبي كيف أداريها إلا جت لحظه غروبي
وأنا لامن ذكرت الذنب تراجف بالكلام شفاي
أخاف اني أموت بغل وتو الذنب تجنوبي
أخاف بآخر الدنيا نجي يم ربنا حفاي
أنا وأيامي السوده وإحساني وعذروبي
جهنم يا عساني ما أجيك ويوصلك ماطاي
عسى ربي ينجيني وويلك ما يجي صوبي
خشعت بسجدتي حتى بكت سجادتي لبكاي
شكيت وهزه الشكوى قلوب اللي نوا صوبي
ترى هذا وأنا أشكي لربي وخالقي ومولاي
من ذنوب من الماضي توقف دوبها دوبي
متى أوصلك يالجنه متى تستقبلي يمناي
أبي حورك أبي ناسك إذا جيتك يهلوبي
