يا ليت إن الزمن يرجع ورا وإلا الليالي دور
ويرجع وقتنا الأول وننعم في بساطتنا
زمان أول أحس انه زمان فيه صدق شعور
نحب ونخلص النية وتجمعنا محبتنا
زمن لا فيه لا غيبه ولا حتى نفاق وزور
ياليته بس لو يرجع ونسترجع طفولتنا
صغار قلوبنا بيضه نعيش بعالم محصور
ولا نعرف ابد أغراب ما غير عيال حارتنا
صحيح صغار ف التفكير ولكن ما علينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
وعشان اناخر الحصه نخبي علبه الطبشور
نشاغب بس في الاخر تميزنا براءتنا
نحب الضحك والهيصه نحب انط فوق الصور
نفرفش ليه ما انفرفش مدام الضحك عادتنا
ولكن دارت الايام وبان الخافي المستور
وصار الهم متعلي على قمه سعادتنا
كبرنا وصارت الدنيا تصف أحزاننا بالدور
وتهدينا الألم والهم غصب عن عين رغبتنا
تعبنا من بلاوينا أحد ضيق أحد مقهور
وكل غارق بهمه وف الآخر تشتتنا
وأنا ما أقول غير إلا يا ليت إن الزمان يدور
ويرجع للورا فتره نعدل وضع عيشتنا
