الموت الحدث الأصعب في حياة كل شخص ...
الموت اللي بلمح البصر وبدون سابق انذار يخطف حبايبنا ..
الموت اللي ما منه مفر ...
أترككم مع هذي القصيده الرائعه للمبدع سالم سيار .........
يبا شلونك أبي أتبلل بصوتك ..
أنا وخالد نبي نتبلل بصوتك ..
يا غيمه ظللت عمري ويمشي ظلالها وياي ..
يبا لا تغيب عن عيني ..
وش تسوى حياتي لوتغيب عني ؟؟..
وش تسوى ؟؟..
مو صح الكون يتفجر ..
ولون الحنا في كفي يصير أصفر ..
يبا لا تجفف شفاهي
من أحلى كلمه بالدنيا .. يبا ..
يبا ما قلتلك وش صار
يبا بنت صفي منيره أبوها مات في حادث ..
تكلمني ترى دايم ودايم عنه تتكلم ..
تقول أفز من نومي
أحسبه بجنبي هو نايم ..
تقول دايم أنا أرمي عيوني على أبواب
أقول يمكن يلملمها ..
في أي لعبه من الألعاب ..
أو ورده ..
وأروح أركض وأخبيها بوسط كتاب ..
يبا عذروبك الشارع
تسوق بسرعه مجنونه ..
يبا خلنا على بالك ..
يبا طير الفرح لا تكسر غصونه ..
تجينا يعني تجينا ..
على موعد حبايبنا ..
أبيك تشوف احساسي ..
ورده بيضه مغروسه وسط راسي ..
وكم نجمه من الأبله تشب بليل كراسي ..
وش تسوى حياتي لوتغيب عني ..
وش تسوى ..
مو صح الكون يتفجر ..
ولون الحنا في كفي يصير أصفر ..
ألو عفوا منو وياي ..
أنا خالد منو وياي ..
تعالوا استلموا الجثه
أبوكم مات في حادث ...
