السلام عليكم ،،،،
شحالكم أعضاء منتدانا ؟؟؟؟؟
بحطيلكم مقلب بنتعرضله كلنا أكيد ف يوم من الأيام ،،،،
ويمكن تعرضله حد من أهلنا ،،،
وحبيت أعرف شو بتكون رده فعلكم بعد هالمقلب ،،،،،
والحين بخليكم ويا المقلب ،،،،
يا ناس ...يا خالد ...أمايا ... أبوي ..وينك ياأخوي ...ش السالفة ,,,, وينكم ؟؟؟؟؟؟؟؟؟؟؟؟؟؟؟؟ليش ظلام ؟؟؟؟؟؟؟؟؟؟؟؟؟ليش المكان خالي ؟؟؟؟؟؟؟؟وشو هالقطعة البيضة ؟؟؟ ليش اتغطيني بالكامل ؟؟وين ثيابي ؟؟ ردوا علي ش السالفة ؟؟أنا ليش بروحي ؟؟ ومحد عندي ؟؟ معقولة الكل تخلى عنى ؟؟الكل ودرني وسار ؟؟؟وتميت بروحي لاصديق ولا ونيس ؟؟؟ آآآآآآآآآآآآآآآآآآآآه ش السالفة ؟؟أنا وين ؟؟ لا يكون ...............لايكون ؟؟؟............لا لا مستحيل أكيد أحلم ..أو مسويين فيني مقلب ..لكن الصراحه مقلب سخيف ،،،ياخي كل شي يصير إلا ثيابي ،،،يعني يغطوني بهالقطعة البيضه ،، انزين عالأقل لو كندوره جديمه عادي ما بعترض ..لكن ماشي غير هالقطعه ..صدق سخافه ..لا و ياليت المكان شي ،، كله تراب وضيج ،، والواحد ما يقدر يتنفس فيه ...صدق سخيفين ...يالله ما عليه الأيام بينا وبرده فيهم ...وبسوي فيهم مقلب أقوى ..........................................................................................أووووووه وينهم مليت ،،،لا يكون نسوني .. ياخي صدق مليت .....ما في حد ..يا هوه ..شو ها الصمت الرهيب ،،يالله بحاول أرقد ..........................................................................................................................وبعد دقايق ...بعد كم سؤال وجواب ...بعد حسرة وندم ...بعد ترجي وألم .....أنا شو سويت ،،شو سويت بدنيتي ،،لعبت ،،سهرت ،،سمعت أغاني ،،شفت أفلام ،،يا اااااااااااااااااالله ،،شو الحين ،، شو بسوي ؟؟كيف أرد ؟؟كيف أصلح ؟؟يا رب .. شي يفيد الندم الحين ..خلاص ما شي فايده ..المقلب طلع مب مقلب ..المقلب طلع حقيقه ..خلاص لا أهل ..لا صديق .. لا ونيس ..لا عمل صالح .. ولا ندم بيفيد ...أنا بروحي ،،،،،،،،لأني في القبر ..........لأني في القبر ........
أنا عن نفسي ما بتفلسف وايد وبقول إني ملتزمه ،،،،لا... أنا كل يوم أقول ببدا بدايه يديده ،، وأقول بغير ،، لكن للأسف مافي يديد ،،، بس أتمنى إن نوقف ويا أنفسنا ونحاول نوجد الحل لأن بعد ما يفوت الفوت ما ينفع الصوت ....
حكم المنية في البريه جاري ،،،،، ما هذه الدنيا بدار قراري
بينا يرى الإنسان فيها مخبرا ،،، حتى يرى خبرا من الأخباري
