حبيت أشاركم بهذي القصيده الأكثر من رائعه للمبدع سالم سيار ،،،،وأتمنى تنال إعجابكم .....
بعنا فينا واشترينا
ولا درينا بالثمن ...
الغدر منا وفينا
لا تقول من الزمن ...
ما تصير الناس ناس
لا رحل عنها الضمير...
ما تصير الناس ناس
لا طغى فيها الكبير ...
الوهم يكبر ونكبر داخل الأوهام ... هم
الألم يكبر ونكبر داخل الآلام ... غم
ليه كل كف اجبرتنا لملمتنا .. واكسرت
ليه كل كف احضنتنا شتتنا .. وارحلت
يعني هي هذي الحياه ؟؟
والا يعني هذا حنا ؟؟
لا رحل عنا الضمير نهدي الأيام .. آه
من هدم نفسه بنفسه ما بنى عمره صحيح ...
والضعيف من النفوس يهدي عمره لأي ريح ..
لا اتلفت ..
لا تنادي ..
لا بشر حولك ..
ولا حولك مبادي ..
لك مصير من المصير ..
ولك جروح من الجروح ..
ولك حياه من الحياه ..
ومن نصيب الآه .. آه ..
ما تصير الناس ناس
لا رحل عنها الضمير..
ما تصير الناس ناس
لا طغى فيها الكبير ...
